Affichage des articles dont le libellé est تونس. Afficher tous les articles
Affichage des articles dont le libellé est تونس. Afficher tous les articles

mardi 30 août 2011

صورة اليوم : عيدك مبروك سمير ...



... الحرية لسمير الفرياني ...


المجد للشهداء

"وكما قال جلال بريك "الخزي والعار للنظام العميل السفاح

lundi 22 août 2011

"أكتشاف اليوم : "القطوس





"أكتشاف اليوم : العدد الأول من "القطوس 
صحيفة ساخرة ناقدة تحت شعار  
 " ! حرود حرود ... حتى لا يناموا "
رئيس التحرير : سليم بوخضير 



vendredi 22 juillet 2011

إهداء : قصبة ليك وقصبة ليا ... هذه هي الوطنية

في ذكرى مرور أسبوع على ما سمي باحداث جمعة العودة بالقصبة
إسمحولي اليوم  بش نقدم من أعماق قلبي بعض إهداءات 
... 

بطبيعة الحال بعد حكاية القصبة ما نجم نهدي كان القصبة وختها ... ولذلك :


 قصبة للحكومة المؤقتة إلي هي من أصلها وليدة الاعتصامات ... 
قصبة لوزارة الداخلية إلي ما تبدل فيها شي بعد الثورة كان الشهاري ... 
وإلى صناع القرار فيها فرد فرد ... بيرو بيرو ... كاف كاف ...


قصبة قصبة للاحزاب إلي خرجت تدعم في الحكومة وفي المسار الديمقراطي ...

قصبة على لخلفياتكم الي مافيها باهي كان الكبر ...
وقصبة زادة للاحزاب إلي محضرتش ومخذاتش موقف واضح ملي صار ... 

قصبة للإعلام النزيه ومتسألونيش علاش ... كيما قال عبدالوهاب "من غير ليه "

قصبة كبيرة للمدونين إلي مجرد الاختلاف في رأي مع شخص يعتبروه مبرر بش يتضرب وكان لزم يعمل ربطية ...
وقصبة أكبر للي الحرية عندو ما تتمس كان كي تحجب مواقع الأنترنات ...

قصبة لكل ناشط على الانترنات قاعد يبرر فلي صار نهار الجمعة ... 
وإلا اعتبر إلي صار فالقصبة إنتصار للثورة والشعب ...


وما ننساش زادة بش نعطي الروحي قصبة معاكم ... 

خطرني نضيع في وقتي ونحكي على عباد ماكنتش فالمستوى ...


في الختام ...
 مانيش بش نستنى حملة على بلوغسفير بش نحل فمي ...
 الحرية لامان الله المنصري (فايسبوكر حر) و لبقية معتقلي أحدث القصبة



ممكن نختلفو في برشة حجات لكن هذا مش مبرر بش نسكت
...
قدمت اليكم
 تدوينة تحت شعار : قصبة ليك وقصبة ليا ... هذه هي الوطنية

وكيما قال جلال بريك ... سلام على شعبنا وانها لثورةٌ حتى النصر

samedi 23 avril 2011

معا لمواجهة القوى الظلامية






ماغير ما ندخلو في التفاصيل و نسميو الأصراف المقصودة
 أعتقد إلي الصورة واضحة ... أما يضهرلي إلي الشخص إلي عمل الصورة هذي
 ياسر عمل زوم على المشهد السياسي التونسي
 و زاد بدل شوية في الأحجام الحقيقية متاع الحوت ...
...

 المهم جبدت المصورة متاعي نقصت شوية فالزوم و خذيت الصورة هذي
 و إلي حسب رأي فيها نظرة استشرافية أكثر من الصورة الأولى...





ونشالا هكّا يكون المشهد أوضح وأدق 
;))


samedi 2 avril 2011

صورة اليوم : فريدريك ميتران في تونس



أطفال تونسيون من أصول تايلاندية تتظاهر
 للتنديد بقدوم فريدريك مترون
;))

dimanche 30 mai 2010

وينك ... يا أسطول الحرية

واللهِ شي يعمل الكيف كي ترى ناس مِلْ العالم الكل ملمومين و يد و حدة من أجل قضية عادلة و نبيلة كي القضية الفلسطينية


برجولية تحية لي أصحاب الضمائر الحيّة, واحد يحشم على روحو كي يرا الناس كيما هكّا ! مسيبين إلي و راهم و إلي قدامهم من أجل الحرية و العدالة و برشا حاجت أحنا ما نذوقوش فيها ... هوما فين و أحنا فين ! الله أعلم


أما السؤال إلي يطرح نفسو ... بربّي أحنا وقتاش بش تخرج مراكب فكّ الحصار متاعنا كان كتب المكتوب و خرجت ... هالحصار متاع الجبن و الإنبطاح و القفة و الصَبّة و غيرو من فظائل هالشعب الكريم


بيناتنا أحنا ماغير ما نمشيو للبحر و نستناو حويجة ... كان عالبابورات إلي عنّا راهي زفرت عندها سنين ... و لازمنا وحاد جدد

!!! للحديث بقية و لي لله درّكي يا تونس و ربي يبقي علينا الستر و برّا




mardi 18 mai 2010

"منوّر يا " ألان سفري


... اليوم وانا مروح مالخدمة ...

" شد إنتباهي هالمشهد الجميل في قلب العاصمة و بالتحديد في شارع " ألان سفري

! حتى الأشجار تعبر عن فرحتها و ترتدي اللون المفظل لي توانسة ... سبحانو العالي

!!! لي لله درّكي يا تونس و ربي يبقي علينا الستر و برّا