"Si tu es prêt à sacrifier un peu de liberté pour te sentir en sécurité, tu ne mérites ni l'une ni l'autre ..."
vendredi 24 décembre 2010
jeudi 23 décembre 2010
قولو أمين
اليوم قمت الصباح نلقا بروفيل الفيسبوك متاعي مشمع ... بالشمع لحمر
كيفو كيما بعض صفحات صديقة متاع مدونين كيما صفحة صديقي البنفسجيست الحر و صديقي الفيلسوف ...
أنا خترت نكتب التدوينة هذي هنا خاطر المدونة هذي محشوشة بطبيعتها من شهر جوان و برجولية خايف ليحشلي المدونة لخرى ...
وزيد أنا معمل عالبهامة متاع عمار بش فماش ما يعميه ربي
!!! و في عوظ يجي يسكر البلوغ يحلو ... واحد وين يعرف عالدنيا
بصراحة شي يكره فالعيشة ...
يا أخي في بالي الأنترنات حافلة برشا هالأيام و فمّا بزايد خدمة
... تي شنوة عمار توّا هذا لعب ??? منعرفش أنا , شوف لهي روحك بحاجة
برّا أرفع قضية على "بسيكو أم" ... شوفلنا وليد مخطوف و لوجلنا عليه ...
تصرف برّا بيع القاز في سيدي بوزيد ...قلم مزيان برشا ليمات هاذي
برّا عاون الصبابة في كتابة عريضة على تنامي الفكر الوهبي و الظلامية في تونس ...
شوف حل... أما بروفيل الفيسبوك لا !!! راهو عين من عينيّا
الفيسبوك لا... راني وخيك زوالي و حدي حد روحي ...
***
!!! أما يكون في علمك إلي كان صرتلي حاجة مالحمايص و الغزّول ما تلوم كان روحك
و شوف كيفاش تسلكها مالمعارضة و الجزيرة و الواشنطن بوست
:p
كيما العادة و العوايد نختم بالدعاء على عمار و الصبابا متاعو... ماو تعرف دعوة المظلوم ليس بينها وبين الله حجاب
:)
!!! حرمتني من بروفيلي برّا يحرمك ربي من ضوّ عينيك
!!! نكبتني عالصباح برا يراك منكوب في كل صباح
!!! مررتلي النهار برّا يراك إمرر دنيا و أخرة
برّا يرّاه حاشك ترينو كيما حشيتلي بروفيلي ... و الله لا يطلع عليك الشمس متاع غدوة ...
أمين يا رب العالمين
أقول قولي هذا و أستغفر الله لي و لكم إنه هو الغفور الرحيم و آخر دعوانا أن الحمد لله رب العالمين
:))
lundi 13 décembre 2010
صور مهرجان الانطلاقة الثالثة والأربعين للجبهة الشعبية
صور مهرجان الانطلاقة الثالثة والأربعين للجبهة الشعبية، من مواقع ووكالات أنباء مختلفة
... ملعب فلسطين - مدينة غزة
lundi 29 novembre 2010
mardi 16 novembre 2010
سنين دايمة
اليوم نحب بمناسة عيد الإضحى نتمنى عيد مبروك للجميع و سنين دايمة
و أنشالا من هنا للعيد الجاي نكونو رتحنا من برشا إمّارك و تصاور في هالبلاد كيما عمار 404 و غيرو و نذبح زوز ولاّ تلاثة علالش بالمناسبة
(شي ما يغلى عليهم)
ومن هنا للنهار هكا ربي يبقي لينا الستر و برّا
ملاحظة : خترت تصويرة متاع علوش مزيان بش إلي ما خلطش على حقّو السنا
عالقليلة يراه فالتصاور
:D
mardi 26 octobre 2010
وصول الوفد التونسي... قافلة شريان الحياة خمسة
وصول أعضاء الوفد التونسي الذي شارك في قافلة شريان الحياة خمسة
محمد الحبيب حمدي : عضو جامعة بنزرت للحزب الديمقراطي التقدمي -
الأستاذ محمد النوري : رئيس منظمة حرية وإنصاف -
المهندس محمد زياد بن سعيد : عضو المكتب التنفيذي لمنظمة حرية وإنصاف -
محمد الحبيب حمدي : عضو جامعة بنزرت للحزب الديمقراطي التقدمي -
الأستاذ محمد النوري : رئيس منظمة حرية وإنصاف -
المهندس محمد زياد بن سعيد : عضو المكتب التنفيذي لمنظمة حرية وإنصاف -
samedi 16 octobre 2010
Nation
"Malheur à la nation qui abandonne sa religion pour des sectes, les champs pour la truelle et la sagesse pour la logique.
Malheur à la nation qui ne se vêt de ce qu’elle n’a pas tissé,qui mange ce qu’elle n’a pas semé,qui boit, ce qu’elle n’a pas pressé.
Malheur à la nation qui hait l’injustice durant son sommeil et s’y soumet durant le jour.
Malheur à la nation qui n’élève la voix, qu’en suivant un convoi funèbre, qui se glorifie seulement devant les tombeaux et ne se révolte que lorsque son cou est déjà entre le glaive et le billot.
Malheur à la nation qui accueille chaque vainqueur au son des tambours pour le congédier sous les sifflets et recevoir un autre vainqueur, au son des tambours.
Malheur à la nation, dont les hommes raisonnables sont muets, les forts aveugles et les habiles bavards.
Malheur à la nation dans laquelle, chaque tribu agit en nation."
[Jabrane Khalil Jabrane]
dimanche 10 octobre 2010
samedi 25 septembre 2010
mardi 14 septembre 2010
Une pensée pour toi ... Ya Khadhra
"The man who trades freedom for security does not deserve nor will he ever receive either"
[Benjamin Franklin]
"Those who surrender freedom for security will not have, nor do they deserve, either one"
[Thomas Jefferson]
samedi 11 septembre 2010
عيد بأية حال عدت يا عيد
? مانيش عارف ياخي أنا معادش عاجبني شي ولاّ هوا أصلاً ما فمّا شي يعجب
!!! الله أعلم , أما أنا برجولية ماعادش فاهم شي
المهم اليوم و أنا في خظم الفدّا متاعي
و بينما أنا سارح ببقرات الهمْ والأحزان في حقول اليأس و الظياع متاع أفكاري
تفكرت قصيدة حلوة متاع المتنبي وإلي يهجو فيها كافور الأخشيدي و إلي في أولها يحكي عل العيد و على فراق الأحبة ... و أهوكا علاش حبيت ننشرها عل مدونة متاعي
(;
عيد بأية حال عدت يا عيد
( أبو الطيب المتنبي)
عيدٌ بأيّةِ حالٍ عُدتَ يا عيدُ
بمَا مَضَى أمْ لأمْرٍ فيكَ تجْديدُ
أمّا الأحِبّةُ فالبَيْداءُ دونَهُمُ
فَلَيتَ دونَكَ بِيداً دونَهَا بِيدُ
لَوْلا العُلى لم تجُبْ بي ما أجوبُ بهَا
وَجْنَاءُ حَرْفٌ وَلا جَرْداءُ قَيْدودُ
وَكَانَ أطيَبَ مِنْ سَيفي مُعانَقَةً
أشْبَاهُ رَوْنَقِهِ الغِيدُ الأمَاليدُ
لم يَترُكِ الدّهْرُ مِنْ قَلبي وَلا كبدي
شَيْئاً تُتَيّمُهُ عَينٌ وَلا جِيدُ
يا سَاقِيَيَّ أخَمْرٌ في كُؤوسكُما
أمْ في كُؤوسِكُمَا هَمٌّ وَتَسهيدُ؟
أصَخْرَةٌ أنَا، ما لي لا تُحَرّكُني
هَذِي المُدامُ وَلا هَذي الأغَارِيدُ
إذا أرَدْتُ كُمَيْتَ اللّوْنِ صَافِيَةً
وَجَدْتُهَا وَحَبيبُ النّفسِ مَفقُودُ
ماذا لَقيتُ منَ الدّنْيَا وَأعْجَبُهُ
أني بمَا أنَا شاكٍ مِنْهُ مَحْسُودُ
أمْسَيْتُ أرْوَحَ مُثْرٍ خَازِناً وَيَداً
أنَا الغَنيّ وَأمْوَالي المَوَاعِيدُ
إنّي نَزَلْتُ بكَذّابِينَ، ضَيْفُهُمُ
عَنِ القِرَى وَعَنِ الترْحالِ محْدُودُ
جودُ الرّجالِ من الأيدي وَجُودُهُمُ
منَ اللّسانِ، فَلا كانوا وَلا الجُودُ
ما يَقبضُ المَوْتُ نَفساً من نفوسِهِمُ
إلاّ وَفي يَدِهِ مِنْ نَتْنِهَا عُودُ
أكُلّمَا اغتَالَ عَبدُ السّوْءِ سَيّدَهُ
أوْ خَانَهُ فَلَهُ في مصرَ تَمْهِيدُ
صَارَ الخَصِيّ إمَامَ الآبِقِينَ بِهَا
فالحُرّ مُسْتَعْبَدٌ وَالعَبْدُ مَعْبُودُ
نَامَتْ نَوَاطِيرُ مِصرٍ عَنْ ثَعَالِبِها
فَقَدْ بَشِمْنَ وَما تَفنى العَنَاقيدُ
العَبْدُ لَيْسَ لِحُرٍّ صَالِحٍ بأخٍ
لَوْ أنّهُ في ثِيَابِ الحُرّ مَوْلُودُ
لا تَشْتَرِ العَبْدَ إلاّ وَالعَصَا مَعَهُ
إنّ العَبيدَ لأنْجَاسٌ مَنَاكِيدُ
ما كُنتُ أحْسَبُني أحْيَا إلى زَمَنٍ
يُسِيءُ بي فيهِ عَبْدٌ وَهْوَ مَحْمُودُ
ولا تَوَهّمْتُ أنّ النّاسَ قَدْ فُقِدوا
وَأنّ مِثْلَ أبي البَيْضاءِ مَوْجودُ
وَأنّ ذا الأسْوَدَ المَثْقُوبَ مَشْفَرُهُ
تُطيعُهُ ذي العَضَاريطُ الرّعاديد
جَوْعانُ يأكُلُ مِنْ زادي وَيُمسِكني
لكَيْ يُقالَ عَظيمُ القَدرِ مَقْصُودُ
وَيْلُمِّهَا خُطّةً وَيْلُمِّ قَابِلِهَا
لِمِثْلِها خُلِقَ المَهْرِيّةُ القُودُ
وَعِنْدَها لَذّ طَعْمَ المَوْتِ شَارِبُهُ
إنّ المَنِيّةَ عِنْدَ الذّلّ قِنْديدُ
مَنْ عَلّمَ الأسْوَدَ المَخصِيّ مكرُمَةً
أقَوْمُهُ البِيضُ أمْ آبَاؤهُ الصِّيدُ
أمْ أُذْنُهُ في يَدِ النّخّاسِ دامِيَةً
أمْ قَدْرُهُ وَهْوَ بالفِلْسَينِ مَرْدودُ
أوْلى اللّئَامِ كُوَيْفِيرٌ بمَعْذِرَةٍ
في كلّ لُؤمٍ، وَبَعضُ العُذرِ تَفنيدُ
وَذاكَ أنّ الفُحُولَ البِيضَ عاجِزَةٌ
عنِ الجَميلِ فكَيفَ الخِصْيةُ السّودُ؟
samedi 21 août 2010
كبار الحومة
(بعد القايمة الأولية متاع المناشدين و إلي فيها فوق ال60 مناشد (شوف هنا
"زادتنا اليوم جريدة الصباح قايمة جديدة أصطلح أصحابها على تسميتها "نداء الألف
وكيما قالو في الجريدة : "وقد حمل النداء توقيعات أكثر من 1000 شخصية تونسية أغلبها من الشخصيات القيادية في مختلف المجالات"
معناتها الكبايرية (كبار الحومة) و أعيان البلاد
... ممتاز ممتاز
وبصراحة اليوم أنا نحب نقترح عل الجرايد متاعنا عنوان للمقالات جايا الكل و إلي حسب رأي الخاص ينجم يكون كيما قال حكيم فالأغنية الشهيرة متاعو
"ولا واحد ولا مية ولا الف وتلتوميه ولا كل الدنيا دى ولا ... ولا مليون"
ونشالا اليوم نكون ساهمت حسب الأمكنيات متاعي المتواظعة بحويجة تنفع المجموعة
و السلام ...
samedi 14 août 2010
... أمين
اليوم حبيت نتمنا رمضان مبروك لجميع الأصدقاء ...
وحبيت زادا في شهر فضيل كيما هذا ما ننساش رفيقي فالمدونة هاذي عمار404
ولذلك اليوم قررت بش نهز يديا لربي و ندعي بيه في هالمغارب:
... برّا الله لايوريك نهار فرحة
... برّا يراها مسكرة في وجهك بجاه الشهر الفضيل
... برّا لا يوريك الربح لي قيام عيسى
... برّا ينكبك ربي كيما ناكب التوانسة الكل فالأنترنات
... برّا يدبدبك ربي و يعتيك على قد قلبك يا قطعي يا واطي
... برّا يوريني فيك ربي نهار و الله لا يخلطك عليه رمضان الجاي
... أمين يارب العالمين ...
:)) ... و على أمل القضاء عليه في أقرب الأجال نقوللكم شاهية طيبة للجميع
mardi 27 juillet 2010
موسم الهجرة إلى الشمال
مقال عجبني في جريدة الشرق الأوسط بعنوان : من هو مصطفى سعيد بطل «موسم الهجرة إلى الشمال»؟
و لحقيقة متاع ربي ذكرتني بأيامات حلوة برشا في صغري ... أما هذا موش موضوعنا اليوم
المهم عشاق الطيب صالح و عشاق رواية «موسم الهجرة إلى الشمال» ينجمو يقراو المقال هنا
Enjoy ;)))
vendredi 16 juillet 2010
يوميات الحصار : ... سوف تندمون
كان في قديم الزمان في مجاهل الأنترنات ... كانت توجد قرية مخفية تعيش فيها مخلوقات صغيرة
... تطلق على نفسها أسم " المدونون" ... كانو أحرار و كانو يحبون الخير
... وكان هناك أيضاً " عمار " ... المشعوذ االغدّار ... كان أحمقا و كان شريراً
عمار : " أنا أكره المدونين ... سأقضي عليكم ... سأقضي عليكم ... ولو كان هذا أخر عملٍ في حياتي ... سأقبض عليكم ... سأجد قريتكم يوما ... سوف تندمون"
تمر السنين ... و لأنترنات مازالت هناك ... فإذا أنصتم , ربما سمعتم صوت ال 404
... و إذا نظرتم جيّداً ... ربما لمحتم قرية المدونين
vendredi 9 juillet 2010
mardi 22 juin 2010
... أطلقو سراح مدونتي
المدونة هاذي محجوبة في تونس ... والأجراء هذا موش قانوني و يتعارض مع ما ينص عليه الدستور التونسي و ما تنص عليه الأعراف والمواثيق الدولية و يتنافى مع الأعلان العالمي لي حقوق الإنسان
... وأنا نحب نقول راهو عيب,عيب والله عيب
? يا أخي شنوة وجه الشبه بين مدونتي و المواقع الإباحية ولاّ اليوتوب ولاّ موقع الجزيرة
... حد علمي أش جاب مكة إل بو حجر
... و أنا من موقعي هذا نطالب برفع المظلمة هاذي على مدونتي و على كل مدونة تم قمعها بدون موجب قانوني
والسلام
vendredi 11 juin 2010
عمّار ... شكرا على هذا التكّريم
رغم إني حكيت في تدوينتي السابقة و أكدت إلي أنا مدوّن وطني و إلي تونس ديما في القلب إلا أنّو ما راعني قمت نلقا مدونتي تسنسرت وهيا في عنفوان الشباب ... يا أخي راهي ما غلقتش 3 شهر ... عيب و الله عيب
... وهاني أخرتها داخل لمحلي بالبروكسي ...
المهم شكرا يا سي عمار علي هذا التكريم في يوم أفتتاح كاس العالم ... تو نحسب وحي جووار كبير كي ماردونا و نشالاّ نرجعهالك فالفرح
jeudi 10 juin 2010
!!! والله مدوّن وطني
حبيت نأكد اليوم من خلال هالتصويرة إلي أنا مدون و طني
و إلي أنا نتنفس وطنية ...
وأنا من منبر هالمدونة البسيطة نحب نقول إلي تونس ديما في القلب ...
ماو تعرفو الخيانة و التخوين عاطين مسدْ هالأيام و أنا بيناتنا خايف لا نرقد و نقوم نلقا روحي مستقوي بالأجنبي اللطف يا ربي ... جرت تنبيرة ولاّ زوز
mardi 8 juin 2010
الأستاذ برهان بسيس و المُرَاوغة واحد, ثنين
أطل علينا اليوم في فقرة الجزيرة المغاربية العلامة ,الباحث في علم تنوير و أخصائي التخدير عن بعد, صاحب الجلالة و الوقار سي ... أي سي و نص كان موش عاجبك, سي برهان بسيس ... إلي أمتعنا وأحنا علي أبواب كأس العالم ... بمهراتو الفنية وبي جمل تكتيكية من مستوى عالي و عالمي
أنا متأكد إلي بجووارات كي هكا إنجمو نهزو كل الكؤوس القارية الكل كان حب ربي
: عاد شد إنتباهي زوز جُمَل حلوين برشا قالهم
"حرية التعبير هي عبارة عن ورشة كاملة لا زال لنا الكثير في أن نفعله "
"نحن ليس لدينا أي مشكلة في أن يتعامل الإسلامي المتطرف بهويته الإسلامية المتطرفة
... في أن يتعامل اليساري المتطرف بهويته اليسارية المتطرفة ... "
عليه... looooooooooooooool برجولية
و زايد لحديث وبرّا
samedi 5 juin 2010
2010 ...
بكل صراحة أنا ما عادش عارف شنوة أخرتها في هالعام لعزيز الغالي
ملاّ 2010 هذا ... الخيبة تلوى الأخرى, واحد من نكسة إل نكسة و نهار يوصي على خوه
حمدولا رب العالمين تنكبنا على جميع الأصعدة, سياسة, أقتصاد, فلاحة, تي حتي فالكورة و دزان البيدق ماهيش ماشيا معانا ...
: و من الأحداث الهامة إلي صارت السنا نذكر
زلزال هايتي إلي لا خلاّ و لا بقاّ 12 يوم فقط بعد دخول هالعام المبروك -
الطيارات إلي تطايح كي ذبّان اللطف يا ربي
الإستيطان في القدس أمورو ماشيا كي زيت فوق الما -
القصف الهمجي لعمار 404 على الأنترنات و إلي طال حتي بلوغ الكوجينة -
بركان إسلندا إلي كان زاد طول شوية رانا ولينا نستعملو في بلانصيات الحرقة لي نقل السُياح -
منع التظاهرة السلمية لتنديد بالحجب على شبكة الأنترنات -
!!! و أخرها الإعتداء و أعمال القرصنة إلي تعرظلها أسطول الحرية عيني عينك قدام 7 ملياردوات, و تواطئ دولي يعمل 66 كيف -
هذا الكل و أحنا مزلنا في جوان ... بيناتنا كان يجيبولنا 2011 من توّا خير, فماش ما نراو فيه حتى نهارين حلوين.
عام 2010 صعيب برشا و بالأخص على نطاق الحريات و حقوق الإنسان إلي ماكلة كبّوت هالأيام و معادش موضة ظاهرلي
للحديث بقية, لي لله درّكي يا تونس و ربي يبقي علينا الستر و برّا Bon
lundi 31 mai 2010
Palestine !
Hamid a 22 ans et il décide d'aller se faire sauter au milieu de ceux qu'il considère comme l'envahisseur.
Je suis né ici sur ce bord de méditérannée. Dans ce paradis ensoleillé. Palestine... Palestiiiine !
C'est ici que mon père, que mon grand père et tous ceux d'avant sont enterrés.
Dans la chair de ta terre, Palestine !
C'est dans la maison en ruines là-bas au milieu du champ d'oliviers.
C'est là que nous avons chanté, ri, dansé, vibré même comme les cordes de cette guitare manouche, pincées au cœur, cueillis comme des fleurs.
C'est là que nous avons pleuré aussi, pleuré.
Difficile d'expliquer pourquoi on est attaché à un endroit, jusqu'à ce qu'une armée débarque chez toi...
Au début, ils ont tirés en l'air : Ca faisait du bruit, c'était gentil.
Et puis après ils ont tué mon père, et puis mon oncle, et puis mon frère.
Ont fait brûler la maison, détruit jardins et plantations pour y installer leurs colons.
Nous, femmes et enfants déportés jusqu'à ce camp de réfugiés. Sales, froids, on y était entassés.
Seul au loin, le son de cette guitare tzigane me donnait encore la force de résister. La force... de respirer.
Mélodie des gens du voyage, musique des déracinés, elle m'a fait oublier le mal.
J'avais 10 ans, ça fait 12 ans et me voilà maintenant une bombe scotchée sur le bidon,
aspiré dans ce grand syphon. Liberté pour toi Palestine !
Je vais vous faire danser joyeux colons sur le son de mon canon.
Aujourd'hui je suis chef d'orchestre réglant ma note sur celle du temps.
Ce ton gitan sur lequel je virevolte encore...en joyeux papillon...
J'arrive, j'arrive frissonnant destin.
Tel un coup de symbale ponctuant les violons. yemma ! Palestine !
Tu me vois descendre de l'autocar au milieu de tous ces regards ?!
il y a mon coeur, il y a la peur, il y a ce son de guitare...
Anonyme passant je souris à l'enfant et puis au milieu de la rue je te vois belle inconnue :
C'est toi, je t'ai choisi. Vais-je te prendre par la taille et faire danser nos entrailles ?
J'entends d'ici les cris d'effrois déchirer le silence provoqué par ce doigt ...
il y a mon souffle qui s'accélère, manque d'oxygène.
Ton regard qui me fixe. Tu comprends. Ton sac qui tombe, la pomme qui roule.
Reculer ?! Il est trop tard petite.
Y'a mon doigt qui se crispe.
Puisqu'on ne peut vivre tous les deux... Crevons ensemble... Palestine !!!!!
dimanche 30 mai 2010
وينك ... يا أسطول الحرية
واللهِ شي يعمل الكيف كي ترى ناس مِلْ العالم الكل ملمومين و يد و حدة من أجل قضية عادلة و نبيلة كي القضية الفلسطينية
برجولية تحية لي أصحاب الضمائر الحيّة, واحد يحشم على روحو كي يرا الناس كيما هكّا ! مسيبين إلي و راهم و إلي قدامهم من أجل الحرية و العدالة و برشا حاجت أحنا ما نذوقوش فيها ... هوما فين و أحنا فين ! الله أعلم
أما السؤال إلي يطرح نفسو ... بربّي أحنا وقتاش بش تخرج مراكب فكّ الحصار متاعنا كان كتب المكتوب و خرجت ... هالحصار متاع الجبن و الإنبطاح و القفة و الصَبّة و غيرو من فظائل هالشعب الكريم
بيناتنا أحنا ماغير ما نمشيو للبحر و نستناو حويجة ... كان عالبابورات إلي عنّا راهي زفرت عندها سنين ... و لازمنا وحاد جدد
!!! للحديث بقية و لي لله درّكي يا تونس و ربي يبقي علينا الستر و برّا
mardi 18 mai 2010
"منوّر يا " ألان سفري
... اليوم وانا مروح مالخدمة ...
" شد إنتباهي هالمشهد الجميل في قلب العاصمة و بالتحديد في شارع " ألان سفري
! حتى الأشجار تعبر عن فرحتها و ترتدي اللون المفظل لي توانسة ... سبحانو العالي
!!! لي لله درّكي يا تونس و ربي يبقي علينا الستر و برّا
dimanche 16 mai 2010
!!! أفريكار ... إنت عينيا
مشيت نهار الخميس في ليل للأفريكار بش نتفرج في فيلم "أفتار" ... قلت فرصة واحد يستمتع بعالم ذو الثلاثة أبعاد
أنا موش بش نحكي عالفيلم توْا ... أما نحب نقدم رجاء و بكل لطف للعباد الساهرة على التنظيم ... و راحة الحرفاء
بربي نظفولنا النظارات يرحم والديكم راني عويناتي مش متسلفهم ... وإلا قولونا مالباب بش نجيبو معانا ما يلزم
كان الحكايا بش تتكلفلكم غاليا ... نظرا لي السعر الرمزي لي دخلة
وبارك الله فيكم
...
samedi 15 mai 2010
ثنينا و سِتين سنا ... يا نكبة
15/05/2010
واحد ما ينجمش يتعدا عليه نهر اليوم ما غير ما يتفكر ... و ما غير ما يخمم في النكبة ...
توّا عنا ثنينا و سِتين سنا حمدولا رب العالمين ... واحنا من نكبة إلى نكبة ...
!النكبة كبرت فينا, كبرت معانا و كبرت علينا برشا ... وربي يكبرنا في طاعتو
هوا واحد كي يجي يشوف إلي صاير فينا توّا ...يولي يدز في كتافو بالي عملناه في عام 48 ... عالقليلة الناس إلي عاشت وقتها كانو يعرفو إلي هيا نكبة ... موش كي حالنا
و في نهار كيما هذا ما نجم كان نتظامن مع للناس إلي عايشين االحصار و ظلم كل يوم ...
ونحب نقوللهم ما تستناوناش ... أحنا بش يجينا نهار و نفيقو أما مش توّا ... مزلنا بش نبطاو شويا ...و ماهو لازم ربي توّ يجيب وجوهنا لي الضوّ
lundi 10 mai 2010
مدونة و ألوان
بمناسبة الإنتخابات البلدية ... والجو الهايل متاع التعدُدية ...في الأحزاب, في الأفكار و في الألوان ...قلت ما فيها باس كان نبدل في ألوان المدونة متاعي ... منها المنظر يولي أحلى شوية ... و زيد خارجة موضة حكايت تبديل اللون و قلبان الفيسة و ما تابعو ... هالأيمات
توّا لون الصفحة ساهل شوية ...خاتر واحد كي يتفكر تاريخو , حاضرو و مستقبلو ... لسود ما ينجم يحط كان اللون لسود ...
... قعدت المشكلة الكل في لون الكتيبة
عندك اللون الأحمر ... يفكرني بالوطنية و بالتظحيات و برشا حجات أخرئ ... بيناتنا الواحد موش ناقس ... وماهوش وقتو الشي هذا بالكل
جربت البنفسجي و بعد بطلت ... ماو تعرفو ال 404 تدور هالأيمات ... و خفت لا سي عمار يفهمني بالغالط ... وانا كي تجي تشوف فاش مطلوب
اللون الأزرق موش دوني ... الصيف قرب السما زرقا العصفير تزقزق و دنية مزيانة ... أما لحقيقة ما يتماشاش مع الحالة النفسية متاعي المُدّا هذي ... و ماهوش طالع عال مناخ إلي عايش فيه توّا ....
عاد قلت ما خيرش من اللون البرتقالي ... توا أحنا داخلين على كأس العالم ... و اللون هذا يفكرني بفريقي المفضل هولندا
عالقليلة واحد يفرهد و يتفرج فالعالم يكور في كورة غشينا ... خاتر بيناتنا العالم عندو مدّا يتفرج في الناس إلي قاعدين يكوّرو بينا ...
dimanche 9 mai 2010
Inscription à :
Articles (Atom)